長文
想講下busking.我覺得好多人誤會左busking係咩。
查字典係咁解"play music in a public place and solicit money for it"
姐係其實距係一種為咗獲得金錢而進行嘅一種行為，有啲人以為係條街唱下歌或者彈下野就係busking，busking係表演既一種，但係公眾地方表演不代表就係busking。
有人問我，乜做全職busker可以維持生活嘅咩？唔擔心將來？收入穩定？
我答你其實可以當busking係一份工，係一種要跑數嘅工，老闆係自己，多勞多得。搵唔搵到錢係睇你自己。
我識既一d busker，吾止青少年，中年甚至比較大嘅都有(唔係旺角嗰啲)所以其實busker並唔係一啲咩奇怪嘅嘢，只係香港冇外國咁普及。
咁全職busker咪好爽？玩下歌就賺到錢.我答你可以利用自己鍾意嘅嘢維生係我覺得好驕傲嘅事情，但係呢樣野絕對唔輕鬆！
首先要keep住有一個好嘅心態，busk除咗係分享音樂之外，仲要搵到錢。要搵錢就要令人欣賞你，欣唔欣賞你係好主觀嘅，但你要做好多練習嘅功夫，先天資質加後天努力造就出你嘅表演質素(當然仲會有其他因素影響)
第二就係投訴嘅問題，香港人係極之鍾意投訴嘅，成日覺得對佢造成滋擾。但其實根本就係個人質素嘅問題，你覺得唔好聽嘅咪走快d囉煩得你幾耐姐🤷🏻♂️(避免住宅區)見到有啲真係唱得好難聽嘅仲可以笑下添la！根本上就係你自己本身已經有負能量之嘛,你投訴打個電話係好容易，但你阻住人哋搵食架！大佬玩音樂都要食飯架！你估大熱天時拎咁多嫁餐出嚟好過癮丫！
然後甚至乎話你係行乞既，大佬你讀咁多書有咩用姐？自己查下行乞係點解先啦yo街！我覺得我係做緊一樣大部份人都未必做到嘅嘢，唔理你欣吾欣賞首先我係好欣賞我自己🐑
我全職busking五年，唔長唔短。但見到既係好多開頭出嚟日唱夜唱，唱得一排咪影都冇曬🤦♂️你估長期keep住份熱情係咁易咩！個心態係好似打仗咁架！吾服嘅你可以挑戰下😤
最後我想講嘅係，希望大家都唔好隨波逐流，要有自己嘅思考。唔係世界點行你就要跟住佢點行。你都可以有自己嘅世界🌏放棄係好容易，堅持到底先係你自己既人生
#沸青
#沸up
#hkbusker
#busker
#igcover
Search